خبر رساں ادارے تسنیم کے مطابق امیرجماعت اسلامی سینیٹر سراج الحق نے دروش چترال میں جلسے سے خطاب کرتے ہوئےکہا ہے کہ حضرت امام حسین ؓنے باطل حکمرانوں کا مقابلہ کرتے ہوئے جان قربان کی۔

سینیٹر سراج الحق نے کہا کہ حق کیلئے جینا اور حق کی خاطرمرنا حضرت امام حسین رضی اللہ تعالی عنہہ سے محبت کے اظہار کا بہترین طریقہ ہے۔

مسلم لیگ ن کی حکومت ناکام ہوئی ہے۔ کرپشن، غربت اور مہنگائی و بےروزگاری ان کا تحفہ ہے۔

امیر جماعت اسلامی نے کہا کہ غربت ،مہنگائی ،بے روز گاری اور لوڈشیڈنگ کے اندھیرے حکمرانوں کا تحفہ ہیں ،عوام کوپینے کا صاف پانی بھی دستیاب نہیں۔

امیر جماعت اسلامی نے کہا کہ جماعت اسلامی حکمرانوں کے مسلط کردہ ظلم و جبر کے نظام کو بدلنا چاہتی ہے ،انسانیت کے تمام مسائل کا حل اسلامی نظام میں ہے ۔

انھوں نے کہا کہ ملک میں اسلامی شریعت کے نفاذ کیلئے عوام جماعت اسلامی کا ساتھ دیں جبکہ انھوں نے خواجہ آصف کے بیان کی مذمت کرتے ہوئے کہا کہ انہوں نے قوم کو پیغام دیا ہے کہ ہم نے غلط کام کیا ہے۔